السلام عليكم ورحمه الله وبركاته النهارده ان شاء الله هقدملكم كنافه بالكاسترد علي الصاج يعني علي البوتجاز بدون فرن وميزتها انها سريعه وكمان ليها نكهه مميزه يالا نبدأ:
المقادير:
اولا مقادير الشربات(السيرب)
-كوبان سكر،كوب ماء،عصره ربع ليمونه او نصف ليمونه صغيره رشه فانيليا
ثانيا مقادير الكاسترد:
-كوب لبن حليب
-نصف كوب كريمه لباني
-معلقه اكل مليانه كاسترد
-نصف معلقه اكل سكر
-ثالثا مقادير الكنافه
-كنافه حسب حجم الصينيه
-زبده مخلوطه مع معلقه زيت او زبده بس حسب الرغبه
ملاحظه:مقدار الكنافه والزبده غير محدد المهم ان الكنافه تتشرب الزبده كويس هو بالتقريب نص كيلو كنافه بياخد نصف كوب زبده انا استخدمت هنا اقل من ربع كيلو واقل من ربع كبايه زبده مخلوطه مع نقطه زيت
الطريقه:
اولا لعمل الشربات:
-ثانيا لعمل الكاسترد:
-هنحط اللبن مع الكاستر والسكر علي النار لحد ما الكاستر يتقل شويه وبعدين هننزل بالكريمه ونقلب تقليبتين ونقفل النار
-هو المطلوب ان قوام الكاستر يكون مش تقيل زي الصوره عشان ميكونش مجلد فالكنافه
-وهنشيلو من علي النار ونعد نقلب فيه من فتره للتانيه عشان مش يعمل وش ويبقي قوامو كريمي
-ونسيبو يبرد خااالص وده هيكون قوامو زي القشطه الجاهزه كريمي ومش مكون وش
احنا ممكن نعملها بالقشطه بنفس لخطوات بس بدل الكاسترد نشا
-نجهز بقي الكنافه هنسيح الزبده
-ونفرك الكنافه كويس بالزبده
-ونجيب طاسه تيفال لازم تيفال وندهنها زبده ونحط اول طبقه كنافه ونضغط عليها كويس جدا جدا وبعدين نحط الكاسترد نبعد عن الجونب خالص زي الصوره ونحط الطبقه الثانيه من الكنافه ونضغط بس براحه ونضغط كويس من الجناب بعيد عن القشطه
-ممكن نغطيها ونسويها قبل التقديم علي طول لانها بتتاكل سخنه او ممكن نسويها علطول هنحطها علي النار نار متوسطه ونعد نحرك فالصينيه ونلفها لحد الجوانب ما تحمر زي الصوره
-لمي الجوانب تحمر نقلبها ازاااي نجيب طاصه اكبر من الطاصه اللي بنعمل فيها الكنافه ونحطها فوقيها ونقلب وفي حل احسن من القلب لو مستصعبينو ممكن نحطها تحت شوايه الفرن وفي الحالتين بتطلع نفس النتيجه
-ها لمي قلبتها هسيبها تكمل سواها لحد ما تغير لونها وتحمر من تحت بس اوعو تتحرق
-وهنقلبها في طبق التقديم هنحط الطبق فوقيها ونقلب الكنافه
-وهحط عليها الشربات واقدمها وبالهنا والشفاا :))
-وده التاتش 😀
-والي لقاء في موضوع اخر بأذن الله 🙂 في أمان الله 🙂
