كبسه اللحم بطريقه سهله جدا

كبسه اللحم بطريقه سهله جدا

خطوات عمل كبسه اللحم بطريقه سهله

السلام عليكم ورحمه الله وبركاته النهارده ان شاء الله هقدملكم كبسه اللحم بطريقه سهله جدا ولذيذه يالا نبدأ:

المقادير:
نص كيلو لحم يفضل ضاني (انا استخدمت لحم عجل)
فصين ثوم شرائح
بصله شرائح
حبه طماطم شرائح
معلقتين صلصه طماطم
معلقة كبيره بهار كبسه
ورقتين لورا
حبهان 10
كبشه فلفل اسود حب
واحده لومي
عودين او 3 قرفه
ملح
مقادير الارز
كوبان ارز بسمتي
جزره صغيره مبشوره

ملح

الطريقه:

نسيح السمن في حله نسخنها كويس اوي

نضع اللحم فالحله علي نار عاليه تاخد صدمه ولون من جميع الجهات مع التقليب

ثم نضع بهارات الكبسه والبهارات الحب ونقلبهم مع اللحم

نضع الثوم والبصل والطماطم ونقلبهم لحد ما يدبلو

ثم نضع الصلصه

وميه مش كتير

نخليها تغلي ونغطي ونوطي عليها ونسيب اللحمه تستوي ساعه او اكتر حسب نوعها ونحط الملح في الاخر بلاش من الاول
نجهز الرز ننقعه في ميه نص ساعه

نبشر جزره صغيره

نجيب الحله اللي هنعمل فيها الرز ونضع فيها سمن او زيت حسب رغبتكم ونضع الجزر المبشور ونقلبه شويه وننزل بالرز بعد تصفيته من ماء النقع ونقلب تقليبتين
ثم نضع ماء سلق اللحم بعد ما نصفيه بالمصفاه نضع لكل كوب رز كوب ونص مرق او بالتقريب لحد ما المرق بغطي الرز ونضع الملح
ونسيب الرز يغلي وبعدين نغطي ونوطي عليه هياخد 20 دقيقه
 
هنا بعد ما اخدت المرقه من اللحم فضل فيها شويه مرق او صوص ممكن نفضل مولعين علي اللحم لحد ما يشرب الصوص ويتحمر شويه او هي كده جاهزه لو مش عاوزين تحمروها بس شيلوها من الصوص
وهنا الرز بعد مرور 20 دقيقه كان استوي وبقي جميل
 
نقدم طبق الكبسه الجميل بتاعنا ونزينه بالمكسرات والزبيب والبقدونس حسب رغبتنا
ونقدمه مع الصوص الحار وسلطه الزبادي وبالف هنا جربوها 😍
والي اللقاء في موضوع اخر باذن الله 🙂 في امان الله 🙂

 

Post Author: Basma

مؤسس ومديرة الموقع الإلكتروني تيستي فوود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.