طبقات الكانيلوني او اللازانيا

  • السلام عليكم ورحمه الله وبركاته النهارده هقدملكم طريقه سهله جدا وغير مكلفه لعمل اللازانيا او طبقات الكانيلوني وطعمها يشبه اللازانيا اوووي او ممكن احسن كمان وهوريكم شكلها النهائي الاول للتشوييق هههههه

لازانيا بالكانيلوني

  • طبعا عشان نعرف نعملها لازم نكون بنعرف نعمل الكانيلوني وانا كنت منزله طريقتوا بالتفصيل وهتلاقوه بالرابط ده
    اضغط هنا 

المقادير:

-عدد من طبقات الكانيلوني انا استخدمت خمسه حجم صغير وعملتهم في صينيه دائريه صغيره طبعا ممكن تعملوها في صينيه مربعه وتظبطوا وتقطعوا الكانيلوني علي شكل مربع
-لحمه مفرومه معصجه بالطريقه اللي تعجبك انا مكنش عندي لحم مفروم وفرمتوا بالكبه طلع تخين شويه ههههههه
-صلصه طماطم طبعا طريقتها موجوده باللينك اللي فات اللي فيه طريقه الكانيلوني او ممكن تعمليها بطريقتك المعتاده
-صلصه بشاميل برضو كنت منزله طريقتها بموضوع المكرونه بالبشاميل انتي اعمليها بطريقتك المعتاده

ديه صوره المقادير الاساسيه
كانيلوني وصلصه طماطم وبشاميل ولحمه مفرومه
الطريقه:

  • هجيب الصينيه اللي هشتغل بيها وادهن جوانبها بالزبده واحط فيها شويه بشاميل وبعدين هحط طبقه كانيلوني وادهنها صلصله واحط اللحمه المفرومه وبالنهايه البشاميل

والصوره هتوضح
طبقه بشاميل وكانيلوني

  • هكرر الخطوه السابقه لحد ما اخلص كل الطبقات انا حطيت خمس طبقات انتي ممكن تزودي او تقللي براحتك بس اعتقد كده سمكها مناسب وهاجي علي اخر طبقه اادهنها صلصه واحط طبقه بشاميل وافردها كويس عليها وادخلها الفرن بتاخد 20 دقيقه تقريبا

طبقات الكانيلوني

  • بعد مرور 20 دقيقه هطلعها من الفرن واحط علي الوش جبنه مودزريلا وافتح الشوايه عليها لحد ما الجبنه تسيح وتاخد لون وخلي بالك لا تتحرق وبس كده وهستني عليها نص ساعه عشان اعرف اقطعها قطع عشان مش تبوظ وبيبقي طعمهاا رااااااااااائع لازم تجربوها

لازانيا سهله

  • يالا مدوا ايديكوا 🙂

كانيلوني باللحم المفروم

  • بالهنا والشفا والي اللقاء في موضوع اخر بأذن الله 🙂 في امان الله 🙂

Post Author: Basma

مؤسس ومديرة الموقع الإلكتروني تيستي فوود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.