السينابون رولز

السينابون
ا
لسلام عليكم ورحمه الله وبركاته النهارده ان شاء الله هقدملكم وصفه السينابون رولز واللي مجربهاش لازم يجربها متعه تانيه :)) وطبعا القرفه من المكونات الاساسيه للوصفه ديه واللي مبيحبش القرفه في بديل وهو الشيكولاته البودره يالا نبدأ
المقادير:
اولا مقادير العجينه
– ٣كوب دقيق ورشه ملح
-علبه زبادي صغيره (دافيه)
-ثلاثه معالق اكل زيت
-معلقتين صغيرين خميره ومعلقتين صغيرتين سكر
-من نصف الي ثلاثه ارباع كوب حليب دافي
ثانيا مقادير الحشو
– ٦ معالق اكل زبده
– ٦معالق اكل سكر بني او سكر بودره
١٢ معلقه صغيره قرفه (ممكن استبدال القرفه بالشيكولاته البودر وممكن النسكويك)
ثالثا مقادير الصوص
– ٨قطع كيري
-نص كوب حليب مكثف محلي
-شكولاته سايحه (انا استخدمت نوتيلا مخففه بالماء)
-ممكن استبدال صوص الشيكولاته بصوص الكراميل حسب الرغبه وممكن اسبدال الجبن والحليب المكثف بالسكر البودر والماء(صوص الايسنج)

مقادير السينابون

الطريقه

  • بنحط الخمبره والسكر في شويه ميه دافيه نسبهم يخمرو ١٠ دقايق

نخمر الخميره والسكر

  • وبعدين نحط الدقيق علي ذره ملح ونحط الزيت والزبادي ونفركهم او نعجنهم علي اقل سرعه بالعجانه وبعدين نزود الزبادي نكون مدفينوا (لازم يكون دافي مش ساقع ولا سخن)ونعجن براحه ونحط الخميره والسكر ونعجن ونزود اللبن الدافي (كميه اللبن بتختلف حسب نوع الدقيق عشان كده نحطو بالتدريج)ونعجن لحد ما العجينه تلم ونعجن٧ دقايق بالعجانه ١٥دقيقه  بايدينا

نعجن العجينه

    نسيب العجينه تخمر ساعه علي الاقل هنا بعد ما خمرت
العجينه خمرت

  • هجهز الحشو لحد ما العجينه تخمرهحط السكر والقرفه والزبده(لازم تكون بدرجه حراره الغرفه طريه يعني بس مش سايحه)وههرسهم مع بعض كويس بالشوكه او مضرب الكيك لحد ما يكونو عجينه متماسكه زي الصوره
    حشو السينابون

  • لمي العجينه تخمر هفردها علي سطح مرشوش دقيق افردها بسمك رفيع عشان هتتخن اما تخمر تاني

افرد العجينه

  • هنحط الحشو علي العجينه المفروده ونوزعها كويس ونبعد عن الاطراف ونلف العجينه

حشو السينابون

  • هنا لفتها كلها

سينابون

  • ونقطعها بالسكينه زي الصوره

نقطع العجين

  • ونحطها في صينيه مدهونه او عليها ورق زبده ونسيبها تخمر تاني بالكتير نص ساعه

رولات القرفه

  • وهنا لمي خمرت تاني

سينابون

  • بعد ما تخمر احطها بفرن متسخن قبل الخبز ب 15 دقيقه علي حراره متوسطه ومش هتاخد عشر دقايق او 15 دقيقه بالكتير اوي متسبوهاش بالفرن كتير عشان متنشفش وهنا بعد ما استوت

سينابون

  • المفروض اكون محضره الصوص قبل كده بضرب الجبن الكيري مع الحليب المكثف المحلي كويس لحد ما يبقي عندك القوام اللي انتي عاوزاه لو خفيف زودي حليب ثقيل زودي جبن قوامو حسب رغبتك وممكن تستبدلي الصوص ده بسكر بودر وميه تضربوه كويس ونحضر صوص الشيكولاته بالطريقه اللي تريحك انا استخدمت نوتيلا مخففه بالحليب وممكن تستبدلي صوص الشيكولاته بصوص الكراميل وزيني السينابون زي ما انتي عاوزه انا زينتوا بالطريقه ديه

السينابون

  • وده من جوه طبعا هش وجميل راااائع لازم تجربوه 🙂

سينابون هش
والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

3 thoughts on “السينابون رولز

    anoog

    (12 مارس، 2014 - 5:02 مساءً)

    like it

      Basma

      (17 مارس، 2014 - 7:26 صباحًا)

      thank you 🙂

    Basma Kenan

    (3 أكتوبر، 2015 - 2:07 صباحًا)

    بتحطى كام كوبايه سكر على العجينه ؟
    ومفيش بيض خالص فى الوصفه ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.