كانيلوني اللحم اللذيذ

كانيلوني اللحم
اا
لمقادير:

  • اولا مقاديرعجينه الكانيلوني(هذه الكميه تكفي لعمل اربع وحدات صغيره من الكانيلوني ويمكنكم مضاعفه المقادير)

-بيضه واحده
-رشه ملح ورشه فلفل اسود
-ثلاثه ارباع كوب لبن حليب
-نصف كوب دقيق(طحين)

  • ثانيا مقادير الصلصه الحمراء:

-صلصه طماطم جاهزه وملح وفلفل اسود

ثالثا مقادير الحشوه
-لحمه مفرومه معصجه وجبن مودزريلا

الطريقه:

  • ديه صوره مقادير الكانيلوني

بيضه،ملح،فلفل اسود،دقيق،طحين

  • نضع البيضه في وعاء او طبق غويط ونضع عليها الملح والفلفل الاسود ونضربها بالشوكه كويس والصور هتوضح اكتر

نضرب البيضه بالشوكه

  • وبعدين نضيف اللبن ونقلب بالشوكه ونضيف في الاخر الدقيق ونقلبه بالشوكه او المضرب اليدوي لو حسيتي الدقيق مكلكع قلبيه بالمضرب اليدوي وبعدين نغطي الخليط ونسيبه نص ساعه او ساعه يرتاح انا سبته نص ساعه بره الثلاجه عشان الدنيا ساقعه 🙂

نضرب الطحين او الدقيق

  • بعد مرور نصف ساعه هتكون العجينه ارتاحت هجيب تيفال واحط فيها زبده ونقطه زيت عشان الزبده متتحرقش واخليها تسخن كويس وهحط مقدار من العجينه بمعلقه كبيره او كابشه واحاول مخليهاش تخينه اخليها رفيعه ولمي احس انها استوت اقلبها علي الناحيه التانيه او ممكن مقلبهاش لان هي رفيعه وهتستوي بسرعه من الناحيتين حتي من غير قلب بس لو حاباها تاخد لون علي الناحيتين اقلبيها

    زبده،تيفال

  • هحضر الصلصه وهي بسيييطه جدا هنجيب الصلصه الجاهزه واحط عليها ملح وفلفل اسود واقلبها كويس بسسس كده

صلصه وملح وفلفل اسود

  • وطبعا هنكون معصجين اللحم المفروم بالطريقه اللي تعجبكم كده عندنا كل حاجه جاهزه الكانيلوني واللحم والصلصه والجبن المودزريلا

كانيلوني،لحم مفروم،جبن مودزريلا،صلصه

  • هحشي بقي الكانيلوني هحط الاول صلصه وبعدين لحم مفروم ولو عاوزه جبنه جوه ممكن تحطي بس انا بكتفي بيها علي الوش والفه واحط علي الوش صلصه وجبن مودزريلا وممكن رشه لحم مفروم للشكل مش اكتر وبعدين ادخله الفرن ثلث ساعه بس الجبن تسيح ودوقوا احلي كانيلوني محشي لحم مفروم وبالهنا والشفا 🙂

نحشي الكانيلوني
كانيلوني محشي لحم مفروم

  • وده شكله من جوه

كانيلوني جميل

  • وهنا بعد اول قطمه ههههههههه

    كانيلوني رائع

    الي اللقاء في موضوع اخر بأذن الله السلام عليكم ورحمه الله وبركاته 🙂

Post Author: Basma

مؤسس ومديرة الموقع الإلكتروني تيستي فوود

2 thoughts on “كانيلوني اللحم اللذيذ

    asmaa hamama

    (26 ديسمبر، 2013 - 11:45 مساءً)

    تسلم الايادي

    Basma

    (27 ديسمبر، 2013 - 5:21 مساءً)

    تسلمييي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.