طريقه عمل السمك الفيليه المقلي

خطوات عمل السمك الفيليه المقلي او السمك البانيه بالصور
فيليه السمك المقلي
السلام عليكم ورحمه الله وبركاته النهارده ان شاء الله هقدملكم وصفه سمك سهله بسيطه لذيده وسريعه وهي السمك البانيه او السمك الفيليه المقلي يالا نبدأ:
المقادير:
-500 جم سمك فيليه انا استخدمت فيليه سمك قرش وممكن اي نوع ينفع
-بصله مقطعه شرائح
-3 فصوص ثوم مقطعه شرائح
-ملح وفلفل اسود وكمون وكزبره وكركم  وبابريكا او اي توابل تحبيها
-عصره ليمونه
-نص كوب بقسماط
-نصف كوب دقيق
-بيضه وربع كوب لبن حليب ومعلقه صغيره خل ورشه ملح وفلفل اسود
الطريقه:
-نقطع السمك شرائح طوليه او اي تقطيع مش هيفرق
فيليه سمك قرش
-نحط شرائح البصل والثوم وعصره الليمونه والتوابل علي بعض ونخلطهم كويس
بصل وثوم
-نتبل بيهم السمك
نتبل السمك
-نحط السمك في كيس ونحطو بالثلاجه ساعتين علي الاقل ولو اكتر يكون افضل
سمك متبل
-نجيب طبق ونحط فيه البيضه وربع كوبايه اللبن(الحليب) ومعلقه صغيره خل ورشه ملح وفلفل اسود
بيضه لبن

-وطبق تاني نحط فيه نص كوب بقسماط ونص كوب دقيق انا استخدمت دقيق اسمر ولو استخدمتو ابيض مش هيفرق ونحط شويه ملح وفلفل اسود وكمون وكزبره وكركم
بقسماط
-نقلب خليط البيض والدقيق
طريقه عمل السمك
-نطلع السمك من الثلاجه وناخد واحده واحده ننشلها من التتبيله ونحطها بالبيض وبعدين نحطها في خليط البقسماط والدقيق من الجانبين بحيث تتغطي كويس وهنا اما خلصت الكميه كلها

Processed with Moldiv

-ندخل السمك بالثلاجه نص ساعه علي الاقل عشان ميفكش بالقلي وبعدين نقلي السمك في زيت غزير ويكون سخن يعني لازم يعمل تشششش بس اوعو تحرقو الزيت واما ياخد لون اقلبوه علي الناحيه التانيه وبعدين طلعوه يتصفي في مناديل مطبخ
نقلي السمك
-هنا اما خلصت الكميه كلها
فيليه سمك مقلي
-ونقدمو وبالهنا والشفا :)))طبعا بيتقدم مع ارز ابيض وسلاطه
فيليه السمك المقلي
-والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

4 thoughts on “طريقه عمل السمك الفيليه المقلي

    فووفه

    (21 مايو، 2015 - 4:43 مساءً)

    لزيزه اووووي تسلم ايدك

      Basma

      (5 يونيو، 2015 - 10:04 مساءً)

      تسلمي 🙂

        rokia

        (2 يونيو، 2016 - 4:43 مساءً)

        شكرا على الطريقة تسلم ايديكى

    فووفه

    (21 مايو، 2015 - 4:44 مساءً)

    انطمي

اترك رداً على فووفه إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.