بفتيك اللحم المحشي بالمشروم

بفتيك محشي مشروم
ا
لسلام عليكم ورحمه الله وبركاته النهارده ان شاء الله هقدملكم وصفه لبفتيك اللحم المحشيه بالمشروم والبصل واهو تجديد عن القلي وكمان شيك جدا وينفع للعزومات وممكن يستخدم للدايت في حال استخدام زيت الزيتون بدل الزبد يالا نبدأ:
المقادير:
اولا مقادير اللحم
-خمس قطع بقتيك لحم او اكثر حسب الرغبه
-بصله مقطعه لتتبيل اللحم
-ملح وفلفل أسود
-معلقه صغيره بابريكا(يمكن الأستغناء عنها)
ثانيا مقادير الحشو
-بصله صغيره مقطعه مكعبات
-كميه من المشروم المقطع الفريش او المعلب انا استخدمت المعلب اصغر علبه
-زبده
بفتيك لحم

الطريقه
-ديه مقادير تتبيله اللحم
بصل ملح فلفل

-نتبل اللحم بالبصل والملح والفلفل ومعلقه البابريكا ونغطيه ونضعه بالثلاجه ساعه او اكثر
نتبل اللحم
-نحضر الحشو نقطع البصل مكعبات ونحضر المشروم ده مشروم معلب انا غسلته عشان المواد الحافظه
بصل ومشروم
-نسيح زبده علي النار ونضيف البصل ونقلبوا شويه مجرد ما يبدا يدبل نضيف المشروم ونقلب شويه وبعدين نضيف ملح وفلفل اسود
حشو البفتيك
-نطلع اللحم من الثلاجه ونشيله من التتبيله ومنرميش التتبيله هنستخدمها بعد كده ونحط الحشو باللحم البفتيك ونلف زي ما الصوره موضحه ونقفل الطرف بخله اسنان وهكذا الي ان تنتهي الكميه
نحشي البفتيك
–نجيب طاسه تيفال ونحط زبده ونقطه زيت عشان هنسخنهم اوي لازم زيت عشان الزبده متتحرقش لمي يسخنوا اوي نحط البفتيك المحشو ياخد لون علي الوشين
بفتيك محشي
-ولمي ياخد لون علي الوشين كويس نحط بقيه التتبيله اللي احنا مرمنهاش فاكرنها نحطها علي البفتيك ونوطي النار ونغطيه لحد ما يستوي هو مش بياخد وقت طويل بس تابعوه لو بدا ينشف زودولو ميه
هنا اما حطيت باقي التتبيله عليه
بفتيك محشو مشروم
-نسيبوا يستوي براحته ممكن ياخد نص ساعه وبعدين نقدمه ونقطعه نصفين عند التقديم عشان الحشو يبان كويس والطبق ده ينفع جدا بالعزومات بيبقي شيك
-شايفين الحشو باين ازاي جواه,,انا هنا قدمتوا بالصنوبر والارز بالبصل وبالهنا والشفا 🙂
بفتيك محشي مشروم
والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

7 thoughts on “بفتيك اللحم المحشي بالمشروم

    Marwa Samy

    (24 فبراير، 2014 - 2:51 صباحًا)

    تسلم ايدك يا جميل

      Basma

      (24 فبراير، 2014 - 8:08 مساءً)

      تسلمي يا جمييل

    eman sery

    (24 فبراير، 2014 - 2:53 صباحًا)

    جااااااااااااااااااااااااامده فحت الاكله دى 🙂 🙂 🙂

      Basma

      (24 فبراير، 2014 - 8:07 مساءً)

      شكرااااا

    Bosy cat emy

    (24 فبراير، 2014 - 2:54 صباحًا)

    🙂 🙂

    حنان

    (19 مارس، 2014 - 8:44 مساءً)

    انا بعمله يابسمة بس كنت قبل ما احط اللحمة تاخد وش كنت بغمسها في الدقيق عشان الصوص يبقي تقيل وبعدين بحط شوربة لحمة بدل المية بس غيرت وعملت من غير دقيق لقيته اخف جربوه انتم بالشوربة هتلاقيه احلي برده

      Basma

      (23 مارس، 2014 - 8:42 مساءً)

      تمام هجربو تسلم اييدك :))

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.