معجنات منوعه بعجينه العشر دقائق بالتفصييييل

معجنات
ا
لسلام عليكم ورحمه الله وبركاته النهارده ان شاء الله هقدملكم عجينه كلنا عارفينها او سمعنا عنها وهي بتتميز بأنها سهله وسريعه ونتيجتها رائعه وكمان ممكن تعملي بيها كل حاجه معجنات بيتزا سينابون  وهي عجينه العشر دقائق يالا نبدأ:
المقادير:(مقادير هذه العجينه تنقسم الي مجموعتين)
اولا مقادير المجموعه الأولي:
-كوب دقيق،كوب حليب دافئ(ممكن استبداله بالماء والحليب البودر)،معلقتين شاي خميره،معلقه شاي سكر،رشه ملح
المجموعه الاولي
علي فكره الكوبايتن اللي بالصوره فوق واحده عاديه بتاعت شاي والثانيه كوبايه معيار والاتنين اد بعض
ثانيا مقادير المجموعه الثانيه:
-كوب ونص دقيق،ربع كوب زيت،نصف معلقه صغيره بيكنج بودر
مقادير المجموعه الثانيه
الطريقه:
-اولا نضع مقادير المجموعه الاولي(كوبايه الدقيق وكوبايه الحليب ومعلقتين الخميره ومعلقه السكر ورشه الملح) علي بعضهم في طبق او بوله
عجينه العشر دقائق
-ونقلبهم كويس جدا قوامهم هيبقي شبه الزلابيه او اتقل شويه
طريقه عجينه
-وهنغطيها ونسيبها تخمر من 15 ل 20 دقيقه
نغطي العجين
-هنا بعد ما خمرت
نتركهم يخمروا
-هنحط العجينه بعد ما خمرت في وعاء العجانه او طبق كبير لو هنعجن بأيدينا او علي رخامه براحتكم وهنضيف للعجينه مقادير المجموعه الثانيه (كوبايه ونص دقيق وربع كوب زيت ونصف معلقه صغيره بيكنج بودر)ضيفي الدقيق الاول والبيكنج بودر واعجني وبالاخر ضيفي الزيت واستمري بالعجن
عجينه العشر دقائق
-انا بعد ما ضيفت مقادير المجموعه الثانيه كانت العجين شكلها كده
نعجن
-ده معناه ان العجين محتاج ماء هضيفلوا ماء دافئ واستمر بالعجن وممكن العكس ان العجين تلقوه سايل شويه تزودوه دقيق ده حسب نوع الدقيق هنا ضفتلو ميه وكملت العجن لحد ما العجينه بقت بالشكل ده انا عجنتها 7 دقائق علي العجانه لو بأيدك اعجنيها 15 دقيقه ممكن تعجنيها فتره اقل بس كلما زادت مده العجن  النتيجه هتبقي افضل
عجين العشر دقائق
-وهسيب العجينه ترتاح تاني من 5 ال 10 دقايق واغطيها لحد ما اجهز الحشو(طبعا ممكن تشتغلي بيها علي طول عادي جدا بس انا بقولكم الطريقه اللي تديكوا افضل نتيجه
هنا غطتها وسبتها ترتاح من 5 الي 10 دقائق لحد ما جهزت الحشو

نغطي العجين
-نجهز الحشو انا استخدمت سجق صغير ده
سوسيس
-واستخدمت جبنه بيضاء حادقه وبيضه مخفوقه برشه ملح وسمسم لدهان الوجه
سوسيس جبنه بيضاء بيضه سمسم
هفرد العجين ومنساش ارش دقيق عشان العجين مش يلزق واحط الحشو والف مره واحده والصوره هتوضح الفكره
معجنات
-واقطع العجين بالسكين وبعدين اقطعها وحدات وادهن وشها بالبيض وارش سمسم والصوره هتوضح برضو
فطاير سجق
-ولمي اخلص الكميه كلها اسيبها ترتاح في الصاج قبل الخبز خمس او عشر دقايق ممكن تسويها علي طول بس برضو لمي تسبيها ترتاح هتديكي نتيجه افضل(انا حشيت جزء جبن وجزء سجق)
والصوره ديه هتوضح الفرق بين قبل وبعد تخمير العجينه
معجنات بعجينه العشر دقائق
-وعملت شكل مختلف بالجبنه وهو مشهور اكتر بالعجوه بس محدش عندي بيحب العجوه فعملتو بالجبنه والصور هتوضح طريقه عمله
معجنات جبن
-هنسخن الفرن قبل ما نخبز العجين بربع ساعه علي حراره متوسطه وهنحط المعجنات بالرف الاوسط من الفرن وهي خمرانه كويس والفرن متسخن قبلها فمش هتاخد منك عشر دقايق هتلقوها احمرت من تحت افتحوا الشوايه عليه لحد ما تاخد لون من فوق
هنا اول ما طلعت من الفرن
معجنات
-وهنا وقت التقديم
معجنات هشه
-وده الشكل الثاني اللي عملته
تشكيل المعجنات
-شايفين من جوه هشه وطريه ازاي
معجنات هشه وطريه
   –  والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

16 thoughts on “معجنات منوعه بعجينه العشر دقائق بالتفصييييل

    حنان

    (5 مارس، 2014 - 11:25 مساءً)

    بجد هايله انا هحاول اجربها

      Basma

      (7 مارس، 2014 - 2:14 مساءً)

      جربيها ان شاء الله تعجبك 🙂

    ساره

    (21 مارس، 2014 - 9:05 صباحًا)

    تسلم ايدك يابسمه طلعت تحفه

      Basma

      (23 مارس، 2014 - 8:44 مساءً)

      تسلمي بالف هناا

    اغلي من حياتي

    (5 أبريل، 2014 - 3:03 مساءً)

    تسلم ايدك يابسمه بجد روووعه ربنا يحميكي

    Nadia Farid

    (7 أكتوبر، 2014 - 12:20 مساءً)

    فعلا تسلم إيديكى وربنا حميكى .

      Basma

      (7 أكتوبر، 2014 - 5:32 مساءً)

      تسلمي :))

      Basma

      (19 أكتوبر، 2014 - 7:50 مساءً)

      تسلمي يجميل

      Basma

      (19 أكتوبر، 2014 - 7:51 مساءً)

      تسلمي يقمر

    فرح

    (30 نوفمبر، 2014 - 12:22 مساءً)

    تسلم ايدك

      Basma

      (7 ديسمبر، 2014 - 7:42 صباحًا)

      تسلمي :))

    reham

    (6 مايو، 2015 - 2:00 صباحًا)

    والله الله يباركلك عملتها وطلعت جميله واديت الطريقه لاخواتي وحماتي وولهي دعتلك من قلبي لامانتك في الوصفه

      Basma

      (5 يونيو، 2015 - 10:05 مساءً)

      تسلمي :)وبالف هنا ليكم 🙂

    Lamyaa

    (24 يونيو، 2015 - 1:16 مساءً)

    <3 <3

    سارة

    (19 سبتمبر، 2015 - 5:50 مساءً)

    تسلم ايدك طلعت حلوة عملتها بس طلعت من جوة مش منفوشة كدة ياتري ليه مع العلم انا استخدمت خميرة عاديه ،، هل ده السبب اللي خلاها كدة ؟

    أم مازن

    (16 أغسطس، 2016 - 7:06 مساءً)

    تسلم ايدك روعه والله وتفتح النفس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *