كيكه العسل الأسود والدقيق الأسمر

كيكه العسل الاسود بالدقيق الأسمر
السلام عليكم ورحمه الله وبركاته النهارده ان شاء الله هقدملكم كيكه صحيه ولذيذه ومفيده جدا للاطفال وللكبار ومليانه حديد وفيتامينات لانها بالدقيق الأسمر والعسل الأسود وممكن طبعا تتعمل بالدقيق الأبيض  يالا نبدأ
المقادير :
-كوبان دقيق أسمر أو ابيض حسب المتوفر
-معلقتين صغار بيكنج بودر
-3 حبات بيض
-فانيليا
-نصف كوب عسل أسود
-نصف كوب زيت
-ربع كوب سكر أو نصف كوب لو عاوزينها مسكره شويه أنا استخدمت ربع كوب
-نصف كوب حليب
مقادير كيكه العسل الأسود
الطريقه
-اول حاجه نسخن الفرن علي 180 قبل ما نبدأ في اي حاجه
-نضع البيض والفانيليا والسكر في وعاء الخفق
بيض سكر فانيليا
-نضربهم بالمضرب لحد ما لونهم يبقي فاتح والسكر يذوب
نضرب البيض والسكر
-بعد كده نضيف الزيت بالتدريج مع الأستمرار  بالخفق
نضيف الزيت بالتدريج
-نضيف العسل الاسود بالتدريج مع الاستمرار بالخفق
نضيف  العسل الأسود
-هنا شكل الخليط بعد اضافه العسل
كيكه العسل

-نخلط الدقيق مع البيكنج بودر في وعاء ولو هنستخدم دقيق ابيض ننخلو مع البيكنج بودر الدقيق الأسمر صعب شويه يتنخل لانو خشن شويه وبعد كده نضيف خليط الدقيق والبيكنج بودر علي خليط الكيك بالتدريج(علي 3 دفعات) مع التقليب براحه في اتجاه واحد من تحت لفوق علي شكل نصف دائره لحد ما الدقيق يختفي
نضيف الدقيق بالتدريج

-في الأخر نضيف اللبن الحليب ونقلب براحه

نضيف الحليب

 

-نكون محضرين قالب الكيك ندهنو زيت ورشه دقيق او نحط فيه ورق زبده ونصب خليط الكيك فالقالب وندخلو الفرن المتسخن مسبقاعلي 180 وبتاخد 40 دقيقه او اكتر او اقل حسب الفرن
ندخل الكيك بالفرن
-اهم حاجه متفتحوش عليها خالص قبل 20 او 25 دقيقه ونقطع الكيك اما يبرد خاالص لشرائح وانا رشيت علي وشو جوزهند وسكر بودر
نقطع الكيك
-ونقدمها مع كبايه شاي :))

كيكه مع شاي
-وقطعه واحد كافيه للاطفال كفطار كمان لانها مليانه حديد وفيتامينات  ومفيده  كمان للناس اللي عندهم انيما
ملاحظه:طبعا الكيكه ديه تنفع بالدقيق الأبيض وبتكون أهش كمان من الدقيق الأسمر بس بالدقيق الأسمر برضو هشه ونتيجتها جميله انا مكنتش متخيلاها كده
كيكه مفيده
-جربوها هتعجبكم بأذن الله :)) والي اللقاء في موضوع اخر بأذن الله 🙂 في أمان الله

Post Author: Basma

مؤسس ومديرة الموقع الإلكتروني تيستي فوود

9 thoughts on “كيكه العسل الأسود والدقيق الأسمر

    mona

    (8 نوفمبر، 2014 - 11:44 مساءً)

    حلوه اوى حجربها ان شاء الله

      Basma

      (9 نوفمبر، 2014 - 8:53 صباحًا)

      ان شاء الله تعجبك 🙂

    ام عمر

    (11 نوفمبر، 2014 - 4:53 مساءً)

    روعة تسلم ايديكي بس ممكن اعرف مقاس القالب او لو حبيت اعملها في صينية تكون مقاس كام و عذرا لتعبك

      Basma

      (12 نوفمبر، 2014 - 9:04 صباحًا)

      تسلمي ياارب 24 او 26

    Marwa

    (23 نوفمبر، 2014 - 6:21 مساءً)

    شكلها مشهي انا عملتها و دلوقتي ف الفرن و انا متأكده انها حلوه زي كل وصفاتك شكرا يا بسمه كتييير على وصفاتك الرائعة

      Basma

      (24 نوفمبر، 2014 - 8:30 صباحًا)

      تسلمي يجميل 🙂 بس طمنيني علي الكيكه :))

    Om Sarah

    (20 أكتوبر، 2015 - 5:09 مساءً)

    شكرا جدا. شكلها حلو ماشاء الله وبيشهي. . انا اجربها وارد عليك.
    الله يعطيك الصة

    د.مى

    (21 نوفمبر، 2017 - 3:41 مساءً)

    جميلة جدا جدا جزاكى الله خيرا.عملتها لنفس طريقتك وعجبت الكل

      Basma

      (30 مارس، 2018 - 12:50 مساءً)

      الف هنا وشفا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *