كيكه الشاي هشه ولذيذه

كيكه هشه
ا
لسلام عليكم ورحمه الله وبركانه النهارده ان شاء الله هقدملكم وصف كيكه خفيفه خالص ومفيد للاطفال وياسلام عليها لمي تتاكل مع شاي العصريه او مع كوبايه نسكافيه في الفطار يالا نبدأ
المقادير:
-4 حبات بيض
-كوب وربع سكر(لو بتحبوها مش مسكره اوي حطوا كوب)
-فانيليا
-كوبايتين دقيق
-نصف كوب زيت
-كوب حليب
-معلقتين صغيرين بيكنج بودر
بيض لبن سكر دقيق زيت
السكر مش موجود في الصوره المهم انتو عارفين شكلو ههههه
الطريقه:

  • اولا قبل ما نبدا هنسخن الفرن علي 180 او حراره متوسطه وبعدين هننخل الدقيق ونضيف عليه معلقتين بيكنج بودر

ننخل الدقيق ونضيف البيكنج بودر

  • هنضع البيض والفانيليا في وعاء الخفق ونخفقهم بالمضرب الكهربائي

نخفق البيض والفانيليا

  •  ونضيف السكر ونخفق كويس لحد ما الخليط لونه يفتح

زي الصوره
نخفق البيض والسكر

  • ثم نضيف الزيت ونخفق قليلا ثم نضيف الحليب ونخفق الي ان يمتزج الخليط(الخفق الكتير بيكون في مرحله البيض والسكر بنخفقهم كويس لحد ما نتاكد ان السكر داب يعني بتلاقي لون الخليط بيفتح )

نضيف الزيت والحليب

  • وفي الاخر هنضيف الدقيق بالتدريج واما انك تقلبي بمعلقه او بالمضرب بأقل سرعه عموما اما تيجي تقلبي اي كيك في مرحله اضافه الدقيق حاولي تقلبيه في اتجاه واحد وبراحه مثلا اتجاه اليمين بس او الشمال بس عشان الهوا ميطلعش منو  ويبقي هش لمي يستوي ونكون مجهزين صينيه ودهنينها زيت ونحط فيها خليط الكيك علي حراره 180 لمده ساعه الا ربع او حسب فرنك اهم حاجه متفتحيش عليهاا خااالص اول 20 او 25 دقيقه او متفتحيش عليها خالص لحد ما تستوي بصي عليها من الفرن بره
  • انا بحب احطها في صينيه توست عشان اقطعها شرائح بتبقي شكلها جميل وسهله في الاكل وممكن الاطفال ياخدوها المدرسه معاهم او تديها لجوزك في الشغل لو معندكيش صينيه توست حطيها في صينيه مستطيله وضاعفي الكميه وبعدين قطعيها بالطول وقطعيها شرائح

نضيف الدقيق

  • لو استوت ولسه وشها متحمرش افتحي الشوايه عليها شويه وشها يحمر بس اوعي تتحرق انا اول ما بتستوي وهي لسه سخنه بحب احط علي وشها جوز هند ديه خطوه اختياريه حسب رغبتك

كيكه الشاي

  • وسبيها تبرد خاالص وبعدين قطعيها شرائح وبالهنا والشفا :)) واتمتعوا باحلي واهش كيكه علي الشاي وقت العصريه 🙂
    والي اللقاء في موضوع اخر بأذن الله 🙂 في أمان الله 🙂

كيكه الشاي الهشه

Post Author: Basma

مؤسس ومديرة الموقع الإلكتروني تيستي فوود

14 thoughts on “كيكه الشاي هشه ولذيذه

    اغلي من حياتي

    (24 أبريل، 2014 - 4:44 مساءً)

    تسلم ايدك جربتها وطلعت حلوة

    ام عمر نجوى

    (2 أغسطس، 2014 - 11:37 مساءً)

    تسلم ايدك والله يابسمه انا استفدت كتير منكم

      Basma

      (7 أغسطس، 2014 - 8:21 صباحًا)

      تسلمي يا حبيبتي ربنا يخليكي 🙂
      انتي اسمك ايه بالجروب؟

    منال

    (15 مايو، 2015 - 9:00 مساءً)

    بجدتسلم ايديكى انا متابعه خطوات اكلاتك تحفه

      Basma

      (5 يونيو، 2015 - 10:05 مساءً)

      تسلمي 🙂 ويشرفني متابعتك

        Basma

        (26 مارس، 2017 - 7:40 صباحًا)

        تسلمي الشرف ليا

    Zeinab eleyan

    (6 يونيو، 2015 - 5:29 مساءً)

    تسلم اديكي وصفاتك كلها رائعة

    mai elsaid

    (28 أغسطس، 2015 - 1:56 صباحًا)

    لو سمحتى يا مدام بسمه سؤال محيرنى ولما بعمل الكيك لما اطلعه برا الفرن ع طول بيهبط وسمعت ناس بتقول بعد ما تطفى الفرن سبيه فيه بس بحسة بينشف ولونه بيبقى اغمق من خرارة الفرن وهو مطفى .. معلش تقوليلى ايه الصح ؟؟

    منى

    (28 نوفمبر، 2015 - 4:27 مساءً)

    اول مره اعمل كيك تنحج معيا
    رائعه بجد

    Amr

    (13 يناير، 2017 - 10:51 صباحًا)

    انا نفسي طلع زي كده بس انا بعمله وتهبط مني وتبدو زي المسلوق
    مش عارفه المشكله في ايه أريد حل ؟؟!؟!؟؟؟؟؟؟

    مني

    (18 مارس، 2017 - 2:11 مساءً)

    ممتازه شكرا

      Basma

      (26 مارس، 2017 - 7:42 صباحًا)

      تسلمي

    ريم

    (19 أبريل، 2017 - 9:18 مساءً)

    جربتها وطلعت حلوة اووووى

    أم علي

    (15 مايو، 2017 - 9:28 صباحًا)

    تسلم الأيادي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *