كريب الجبن اللذيذ

كريب الجبن
ا
لسلام عليكم ورحمه الله وبركاته النهارده ان شاء الله هقدملكم وصفه تنفع للفطور او العشاء ولذيذه جدا وسهله وسريعه والاطفال هيحبوهاا ان شاء الله وهي كريب الجبن  يالا نبدأ:
المقادير:
اولا مقادير الكريب
-بيضه واحده
-ثلاثه ارباع كوب حليب
-نصف كوب دقيق
-رشه ملح ورشه فلفل اسود
ثانيا مقادير الحشو
-جبن كاسات,جبن مودزريلا،جبن رومي ويمكن الأستغناء عنه بس بيدي نكهه حلوه
الطريقه :

  • ديه صوره مقادير الكانيلوني
    بيض دقيق لبن

    • نضع البيضه في وعاء او طبق غويط ونضع عليها الملح والفلفل الاسود ونضربها بالشوكه كويس والصور هتوضح اكتر
      بيض ملح فلفل

      • وبعدين نضيف اللبن ونقلب بالشوكه ونضيف في الاخر الدقيق ونقلبه بالشوكه او المضرب اليدوي
        كانيلوني

        • هجيب تيفال واحط فيها زبده ونقطه زيت عشان الزبده متتحرقش واخليها تسخن كويس وهحط مقدار من العجينه بمعلقه كبيره او كابشه  ولمي احس انها استوت اقلبها علي الناحيه التانيه
          كريب
          -الكريب بقي جاهز عندنا هنحط في نصفو الحشو وهو عباره عن جبن كاسات ومودزريلا وجبن رومي لو توفر انا هنا محتطوش بس بعملو كتير بالرومي وهنتنيه بالنصف والصور هتوضح
          كريب
          كريب الجبن
          -هنجيب نفس الطاسه التيفال اللي عملنا بيها الكريب وهنحط فيها حته زبده ونقطه زيت عشان الزبده متتحرقش ونحط الكريب ونقلبو علي الناحيتين بس الجبن تسيح نشيلو لو عاوزينو مقرمش حبه سيبوه شويه يتحمر اكتر من الجانبين بس اوعو يتحرق
          كريب جبن كاسات
          -ونقطعوا نصفين ونقدموا واستمتعو باحلي كريب سهل وسريع ولذيذ وبالهنا والشفا
          كريب الجبن
          -والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

2 thoughts on “كريب الجبن اللذيذ

    asmaa hamama

    (17 مارس، 2014 - 1:49 صباحًا)

    تحفه بجد تسلم ايدك

    fatma mansour

    (5 نوفمبر، 2015 - 12:49 صباحًا)

    تسلم‏ ‏ايديكى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *