فراخ محشيه نقانق

فراخ محشيه نقانق
ا
لسلام عليكم ورحمه الله وبركاته 🙂 وصفه النهارده ان شاء الله هنخرج بيها عن  نطاق الأكل التقليدي شويه تعتبر تجديد وطعم جديد وهي (الفراخ(الدجاج) المحشيه نقانق او سجق) يالا نبدأ:
المقادير:
-العدد اللي تحبي من صدور الفراخ (انا استخدمت واحد بس كبير)
-نقانق او سجق(انا استخدمت الصغير بحبهم :))
-التتبيله(بصل مقطع شرائح،ملح،فلفل اسود،صوص باربيكيو معلقه،رشه ثوم بودر،معلقه خل)ديه التتبيله اللي انا استخدمتها بس انتي ممكن تستخدمي اي تتبيله تحبيها الموضوع ده اختياااري
فراخ سجق خل
الطريقه:
-الاول هنجيب صدر الفرخه لو جيباه مدقوق يبقي خير وبركه 🙂 لو مش مدقوق دقيه شويه زي البانيه كده وبعدين نحط السجق علي الطرف ونلفها زي الرول ونقفلها  بخله اسنان
فراخ محشيه
-وبعدين نتبلها بالتتبيله اللي هي(بصل شرايح وصوص باربيكيو وملح وفلفل اسود ومعلقه خل وممكن رشه ثوم بودر او اي تتبيله بديله تحبيها ونسبها بالثلاجه علي الاقل ساعه
نتبل الفراخ
-بعد ساعه او اكثر نطلع الفراخ (هنشلها من التتبيله ومش هنرمي التتبيله)ونكون مسخنين جريل او طاصه تيفال ونحط فيها ماده دهنيه  ونحط الفراخ تاخد صدمه(لون)من الناحيتين
فراخ علي الجريل
 –     وبعدين لمي تاخد لون لو هتكملو سواها في نفس الجريل او الطاسه التيفال حطوا عليها التتبيله وووطوا النار وغطوا وسيبوها لحد ما تكمل سوها انا مكملتش سواها في الجريل انا نقلتها في طاسه صغيره وحطيت عليها التتبيله وغطتها وسبتها تستوي ممكن تاخد بالكتير نص ساعه او اقل
نسوي الفراخ
            -هنا الفراخ استوت
دجاج
–  اما تستوي قطعيها شرايح وقدميها (انا قدمتها مع مكرونه بالماشروم والصوص الاحمر)وبالهنا والشفا
مكرونه بالماشروم وفراخ بالسجق
-والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *