طريقه عمل وربات بالقشطه

طريقه عمل وربات(جلاش)بالقشطه
المقادير:

جلاش
زبده وقليل من الزيت
حليب،كريمه لباني،نشا
مكسرات للتزين
سيرب ثقيل(كوبان سكر وكوب ماء)

الطريقه:
الاول هنعمل القشطه
مقادير القشطه:
-كوب حليب
-نصف معلقه اكل سكر
-معلقتين اكل نشا
-نصف كوب كريمه لباني او قشطه
-فانيليا او ماء ورد
طريقه القشطه:
هنحط اللبن والنشا والسكر عالنار مع التقليب المستمر لحد ما القوام يتقل وبعدين هننزل بالكريمه ونقلب كويس ونطفي النار وده هيكون قوام القشطه تقيل شويه وفي الاخر نحط الفانيليا او ماء الورد

-هنجيب الجلاش ونحضر عشر طبقات وندهن بين كل طبقه والثانيه زبده سايحه علي النار مع قليل من الزيت او زبده بس حسب رغبتك ونحط الطبقات فوق بعض بطريقه منظمه
هنا حضرت الطبقات

-وهنا دهنت بالفرشه بين كل طبقه والثانيه خليط الزبده السايحه والزيت

-نيجي بقي لأهم خطوه وهي تقطيع الجلاش مربعات ولازم يكون تقطيعه مربعات مظبوطه عشان نعرف نثنيه لمثلثات انا استخدمت طريقه لتقطيعو مربعات جبت كرتونه وعملتها علي شكل مربع طول ضلعه ٨ سم وحطيتوا علي الجلاش وقطعتو بالسكينه علي حجم المربع وكنت مغلفاه بالفويل عشان الكرتون مش يلمس الجلاش المهم انتو ممكن تستخدمو اي طريقه ثانيه تقطعو بيها الجلاش مربعات مش لازم الطريقه ديه وممكن تغيرو حجم المربع بس انا شايفه ان ٨ سم حجم مناسب وديه صوره توضح الفكره

هنا قطعتو كلو

-همسك كل مربع واحط قشطه في نصو واثنيه علي شكل مثلث

-ولمي اعملهم مثلثات هرصهم في الصينيه كل اربعه مع بعض زي الصوره كده عشان القشطه متخرجش منهم

– وهدهن وشهم زبده تاني بالفرشه ولمي اخلص الكميه كلها هدخلهم فرن حرارته ١٨٠ درجه لحد ما يخدو لون من تحت افتح عليهم الشوايه يخدو لون من فوق

وهنسقيهم بشربات ثقيل بارد وازينهم بأي نوع مكسرات او بدون وبالهنا والشفا

وديه من جوه هشه وطريه وكرانشي وكل حاجه

-والي اللقاء في موضوع اخر بأذن الله 🙂 في أمان الله 🙂