طريقه عمل صدرو الدجاج بالسماق بالصور

خطوات عمل صدور الدجاج(الفراخ) بالسماق بالصور
صدور الدجاج بالسماق
السلام عليكم ورحمه الله وبركاته النهارده ان شاء الله هقدملكم طريقه عمل صدور الدجاج بالسماق والوصفه ديه ميزتها انها تنفع للزنقات لانها سهله وسريعه ولذيذه يالا نبدأ
المقادير:
-صدور فراخ مقطعه شرائح رفيعه (نصف كيلو)
-ملح وفلفل اسود
-نصف معلقه من كل من(ثوم بودر،بصل بودر،بابريكا)
-معلقه سماق (المكون الأساسي فالوصفه)
-معلقه كبيره صوص باربيكيو او ممكن نستبدلوه بمعلقه دبس الرمان حسب المتوفر عندكم
-عصره نصف ليمونه كبيره او ليمونه صغيره
الطريقه:
نتبل الفراخ كويس بالتتبيله ولو قدامكم وقت خلوها بالتتبيله شويه وممكن تشتغلو بيها علي طول
نتبل الفراخ
-نسخن الجريل كويس جدا جدا او طاسه تيفال ونحط فيها نقطه زيت
نسخن الجريل
-نحط الفراخ علي الجريل ونخلي الحراره عاليه لحد ما الفراخ تاخد لون هتكون استوت لانها رفيعه نقلبها علي الجانب الثاني تكمل سواها
نسوي الفراخ علي الجريل
دجاج بالسماق
–لمي نقلبها علي الناحيه التانيه قرب السوا نحط المايه اللي طلعت من التتبيله علي الفراخ عشان تاخد طعم احسن
تتبيله
-ومده السوا كلها بتاخد اقل من 20 دقيقه لانها مقطعه شرائح رفيعه وبنقدمها مع مكرونه او رز بسمتي وبالهنا والشفااا 🙂
صدور الدجاج بالسماق
والي اللقاء في موضوع اخربأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *