تيستي فوود

السلام عليكم ورحمه الله وبركاته النهارده ان شاء الله هقدملكم طريقه السينابون الكذاب وهيكون بالعيش الفينو او الخبز الصامون وهو بديل جيد جدا للسينابون هو اه مش نفس الطعم لكن طعمو تحفه وجميل والاحسن من كده انو سرييع جداا وبيتعمل في اقل من خمس دقايق؟؟؟ يالا نبدأ
المقادير:(المقادير ديه تكفي لعمل قطعه واحده من السينابون)
-نص شريحه خبز فينو لازم يكون طازه عشان مينقطعش جامد واحنا بنلفو
-معلقه اكل مش مليانه زبده ومعلقه اكل سكر بودر معلقتين صغيرين قرفه …
-الصوص بتاعو معملتوش بالجبن عملتو ببودره كريم شانيه علي شويه لبن صغننين جداا وتضربوهم بالشوكه لحد ما قوامهم يتقل شويه)

الطريقه:
-بنقطع العيش الفينو نصين ونفردو بالنشابه شويه

-نعجن الزبده والسكر والقرفه لحد ما تكون عجينه

-نحط خليط الزبده والسكر والقرفه علي العيش ونفردوا كويس عليه ونلفو مش تتخضو لو اتقطع معاكو شويه كده كده لازم يشقق والصوص هيغطيه بس المهم يكون العيش طازه عشان مش يتفتت


-لو عندك ميكرويف دخليه ٢٠ ل ٣٠ ثانيه الزبده والسكر يسيحو مش عندك دخليه في فرن سخن يسيح الخليط

-وطلعيه وحطيلو الصوص(صوص الكريم شانيه ) وزينو بخطوط شيكولاته او كراميل وبالهنا والشفا

-طريقه عمل صوص الكريم شانيه نحط بودره كريم شانيه علي شويه لبن حليب صغيرين ونقلبهم بالشوكه كويس لحد ما القوام يكون مناسب

ملاحظه: لو استخدمتي سكر عادي هيقرمش معاكي لازم بودر لو معندكيش مشكله بالقرمشه استخدمي العادي
-ياارب يكون الموضوع عجبكم 🙂 جربوه سهل جدا وسريع ولذيذ :)) والي اللقاء في موضوع اخر بأذن الله 🙂 في امان الله