تيستي فوود

خطوات عمل السمك الفيليه المقلي او السمك البانيه بالصور

السلام عليكم ورحمه الله وبركاته النهارده ان شاء الله هقدملكم وصفه سمك سهله بسيطه لذيده وسريعه وهي السمك البانيه او السمك الفيليه المقلي يالا نبدأ:
المقادير:
-500 جم سمك فيليه انا استخدمت فيليه سمك قرش وممكن اي نوع ينفع
-بصله مقطعه شرائح
-3 فصوص ثوم مقطعه شرائح
-ملح وفلفل اسود وكمون وكزبره وكركم  وبابريكا او اي توابل تحبيها
-عصره ليمونه
-نص كوب بقسماط
-نصف كوب دقيق
-بيضه وربع كوب لبن حليب ومعلقه صغيره خل ورشه ملح وفلفل اسود
الطريقه:
-نقطع السمك شرائح طوليه او اي تقطيع مش هيفرق

-نحط شرائح البصل والثوم وعصره الليمونه والتوابل علي بعض ونخلطهم كويس

-نتبل بيهم السمك

-نحط السمك في كيس ونحطو بالثلاجه ساعتين علي الاقل ولو اكتر يكون افضل

-نجيب طبق ونحط فيه البيضه وربع كوبايه اللبن(الحليب) ومعلقه صغيره خل ورشه ملح وفلفل اسود

-وطبق تاني نحط فيه نص كوب بقسماط ونص كوب دقيق انا استخدمت دقيق اسمر ولو استخدمتو ابيض مش هيفرق ونحط شويه ملح وفلفل اسود وكمون وكزبره وكركم

-نقلب خليط البيض والدقيق

-نطلع السمك من الثلاجه وناخد واحده واحده ننشلها من التتبيله ونحطها بالبيض وبعدين نحطها في خليط البقسماط والدقيق من الجانبين بحيث تتغطي كويس وهنا اما خلصت الكميه كلها

–

-ندخل السمك بالثلاجه نص ساعه علي الاقل عشان ميفكش بالقلي وبعدين نقلي السمك في زيت غزير ويكون سخن يعني لازم يعمل تشششش بس اوعو تحرقو الزيت واما ياخد لون اقلبوه علي الناحيه التانيه وبعدين طلعوه يتصفي في مناديل مطبخ

-هنا اما خلصت الكميه كلها

-ونقدمو وبالهنا والشفا :)))طبعا بيتقدم مع ارز ابيض وسلاطه

-والي اللقاء في موضوع اخر بأذن الله 🙂 في أمان الله 🙂