تيستي فوود

السلام عليكم ورحمه الله وبركاته 🙂 النهارده ان شاء الله هقدملكم وصفه سمك سهله جدا وسريعه وكمان تنفع للدايت لانها مشويه علي الجريل بدون قلي يالا نبدأ:
المقادير:
-نصف كيلو سمك فيليه اي نوع يعجبكم(مقطع شرائح سميكه)
-بصله وفصين ثوم
-معلقه ملح
-معلقه صغيره من كل من(كزبره ،كمون،بابريكا)
-رشه سماق
-نصف ليمونه كبيره او ليمونه صغيره
-معلقه اكل مايونيز
ديه صوره المقادير


الطريقه:
-هضرب كل مكونات التتبيله مع بعض بالخلاط(البصل والثوم والملح والتوابل والمايونيز )واعصر عليهم الليمون

–هتبل السمك بالتتبيله كويس من كل الجوانب واحط السمك بالثلاجه علي الاقل ساعتين او اكثر حسب وقتك

-بعد مرور ساعتين او اكثر هطلع السمك من الثلاجه وهحضر جريل او طاسه تيفال واحط فيها نقطه زيت واسخنها كويس اوووي ولازم تكون سخنه كويس واحط السمك

-واسيب النار عاليه موطيش عليه ولمي احس انو استوي واخد لون الموضوع كلو بياخد دقائق السمك بيستوي بسرعه اقلبو علي الناحيه الثانيه بسسسس بحرص شديد عشان مش يتفتت واسيبو يكمل سواه علي الناحيه التانيه علي نار عاليه برضو مش اوطي اهم حاجه في تسويه السمك انكم مش تقلبوه كتير عشان مش يتفتت هي تقليبه واحده بس

-واقدمو مع ارز ابيض وسلطه لو مش عاملين دايت ولو عاملين دايت اقدمو مع سلطه بس
وانا هنا رشيت عليه خلطه مكونه من معلقه ملح ومعلقه كمون ومعلقه كزبره ومعلقه شطه الخلطه ديه بتكون جميله مع السمك

-والي اللقاء في موضوع اخر بأذن الله 🙂 في أمان الله 🙂