سمك فيليه مشوي علي الجريل

سمك فيليه مشوي
السلام عليكم ورحمه الله وبركاته 🙂 النهارده ان شاء الله هقدملكم وصفه سمك سهله جدا وسريعه وكمان تنفع للدايت لانها مشويه علي الجريل بدون قلي يالا نبدأ:
المقادير:
-نصف كيلو سمك فيليه اي نوع يعجبكم(مقطع شرائح سميكه)
-بصله وفصين ثوم
-معلقه ملح
-معلقه صغيره من كل من(كزبره ،كمون،بابريكا)
-رشه سماق
-نصف ليمونه كبيره او ليمونه صغيره
-معلقه اكل مايونيز
ديه صوره المقادير
فيليه سمك النهر
تتبيله السمك
الطريقه:
-هضرب كل مكونات التتبيله مع بعض بالخلاط(البصل والثوم والملح والتوابل والمايونيز )واعصر عليهم الليمون
تتبيله السمك الفيليه
–هتبل السمك بالتتبيله كويس من كل الجوانب واحط السمك بالثلاجه علي الاقل ساعتين او اكثر حسب وقتك
نتبل السمك

-بعد مرور ساعتين او اكثر هطلع السمك من الثلاجه وهحضر جريل او طاسه تيفال واحط فيها نقطه زيت واسخنها كويس اوووي ولازم تكون سخنه كويس واحط السمك
سمك علي الجريل

-واسيب النار عاليه موطيش عليه ولمي احس انو استوي واخد لون الموضوع كلو بياخد دقائق السمك بيستوي بسرعه اقلبو علي الناحيه الثانيه بسسسس بحرص شديد عشان مش يتفتت واسيبو يكمل سواه علي الناحيه التانيه علي نار عاليه برضو مش اوطي اهم حاجه في تسويه السمك انكم مش تقلبوه كتير عشان مش يتفتت هي تقليبه واحده بس
سمك مشوي فيليه
-واقدمو مع ارز ابيض وسلطه لو مش عاملين دايت ولو عاملين دايت اقدمو مع سلطه بس
وانا هنا رشيت عليه خلطه مكونه من معلقه ملح ومعلقه كمون ومعلقه كزبره ومعلقه شطه الخلطه ديه بتكون جميله مع السمك
سمك فيليه مشوي
-والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

4 thoughts on “سمك فيليه مشوي علي الجريل

    mona

    (21 أكتوبر، 2014 - 12:40 صباحًا)

    شكله يشهى وسهل جداااااا

      Basma

      (21 أكتوبر، 2014 - 10:20 صباحًا)

      تسلمي 🙂

    السمك فيليه

    (22 مايو، 2015 - 12:18 مساءً)

    أنت رائعة شكرا جزيلا

      Basma

      (5 يونيو، 2015 - 10:04 مساءً)

      تسلمي 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *