سمك فيليه بالفرن

سمك فيليه بالفرن
ا
لسلام عليكم ورحمه الله وبركاته النهارده ان شاء الله هقدملكم وصفه تنفع للدايت وخفيفه ومفيده للاطفال وهي فيليه السمك بالفرن يالا نبدأ
المقادير:
-كيلو شرائح فيليه سمك النوع اللي تفضليه(انا ستخدمت مفرز)
-تتبيله السمك(انا استخدمت نصف بصلايه  واربع فصوص ثوم وشويه كزبره خضراء)طبعا هتسألوني نص البصلايه التاني فين ههههههه عملت بيه الرز
-توابل(معلقه ملح-فلفل اسود-كون-كزبره-بابريكا-توابل مشكله-كركم-زنجبيل-نصف ليمونه)
تتبيله السمك
توابل
للاسف نسيت اصور السمك بالمقادير 🙁 معلش خلوها عليا المرادي :))
الطريقه:

  • نغسل السمك ونقطعه الي قطع ذات الحجم الذي يناسبك (يا عيني علي الفصحي هههههه)
  • هنخلط مقادير التتبيله بالكبه ونضع عليها التوابل ونضعها علي السمك ونتركه 20 دقيقه او نصف ساعه

نتبل السمك

  • بعد مرور نصف ساعه هنجيب حله علي النار ونضع بها زيت ونسخنها كويس جدا جدا لازم تسخن كويس ونحط السمك ياخد لون من الناحيتين بس خلو بالكم لازم الطاصه تكون مانعه للالتصاق وسخنه جدا عشان السمك لو لزق هيتفتت منك ومش هتعرفي تقلبيه خليكي حريصه وانتي بتتعاملي مع السمك الفيليه لانو ممكن بسهوله يتفتت

نضع السمك بحله تيفال
ياخذ لون

  • وبعدين نحط السمك بصينيه بالفرن  ونحط عليه شويه من ميه التتبيله ونسيبه 20 دقيقه تقريبا يستوي وبعدين نحمر الوش علي الشوايه(طبعا ممكن نستغني عن خطوه تحمير السمك السابقه ونحطه بالفرن مباشره بس انا بعملها عشان السمك ياخد لون من الجانبين حلو وفي حاله الدايت مفيش داعي لخطوه التحمير بس لو محمرناش نضيفه معلقه زيت بالتتبيله)

هنا لمي السمك استوي بالفرن وشغلت الشوايه عليه
سمك بالفرن

  • عند تقديم السمك بعملو توابل بسيطه كد بتبقي حلوه اوي معاه وهي معلقه صغيره من كل من(ملح,كمون,كزبره,شطه)بخلطهم مع بعض ري الصوره

ملح كمون كزبره شطه

  • قدمتو مع ارز وصلصه طماطم زي بتاعت المندي وبالهنا والشفا 🙂

سمك فيليه بالفرن

  • والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

2 thoughts on “سمك فيليه بالفرن

    ghada naga

    (6 أبريل، 2014 - 3:14 مساءً)

    طريقة رائعة وشكل طعمة هيكون حلو تسلم اﻻيادى

      Basma

      (9 أبريل، 2014 - 9:45 صباحًا)

      تسلمي :))

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *