تورته موس الفراوله بالخطوات المصوره

تورته موس الفراوله
الكيكه ديه جامده جدااا جداا خصوصا لو انتو من محبي الفراوله هتحسو كده انكم اقتحمتو عالم الفراوله وعيشتو معاها وتنفع جدا فأعياد الميلاد والمناسبات
تعالو نشوف الشكل النهائي وبعدين نبدا فالمقادير والطريقه
تورته موس الفراوله
تورته موس الفراوله

 

المقادير :
مقادير الطبقه الاولي

تورته اسفنجيه وكنت عاملاها ومنزلاها قبل كده وممكن اي كيك عادي
مقادير الطبقه الثانيه
كيسين دريم ويب (كريم شانتيه)
كيس جيلي فراوله
٤ حبات كيري(ممكن الاستغناء عنهم)
نص كوب حليب
من ٨ -١٠ حبات فراوله مجمده (يمكن الاستغناء عنها )
مقادير الطبقه الثالثه
كوب عصير فراوله
نص معلقه اكل نشا
ديه صوره للمقادير(مقادير الطبقه الاولي والثانيه)
كيك اسفنجي تورته اسفنجيه
كيك اسفنجي
تورته اسفنجيه
ده شكل الكيك النهائي :):

 

تورته موس الفراوله
الطريقه:

نضرب الكريم شانتيه في نص كوب لبن ساقع لحد ما قوامه يتقل
كريم شانتيه
كريم شانتيه

نضيف الكيري وتكون بحراره الغرفه ونضرب بالمضرب الكهربائي وممكن من غير كيري خالص
جبن كيري
جبن كيري

ندوب الجلي في نص كوب ماء مغلي ونقطع الفراوله مكعبات صغيره
فراوله مجمده جيلي
فراوله مجمده
جيلي

نضيف الجلي المدوب فالميه بالتدريج علي الكريمه مع الاستمرار فالخفق

جيلي كريمه
جيلي
كريمه
ونضيف الفراوله المجمده مع الخفق وهنلاقيها اتفتت مع الضرب
وممكن من غير فراوله بس الفراوله هتديها طعم اغني
موس فراوله فراوله مجمده
موس فراوله
فراوله مجمده

مع الضرب المستمر هنلاقي الخليط بقي تقيل لان الفراوله مجمده وساقعه جدا فالجلي هيجمد لو مش استخدمتو الفراوله المجمده الخليط هيكون سائل ومتقلقوش هيجمد فالثلاجه

موس الفراوله كريمه الفراوله
موس الفراوله
كريمه الفراوله

 

نقطع الكيك نصين وانا قطعتها وهي سخنه واتفتت شويه متعملوش زيي وخلوها تسقع فالثلاجه احسن او اعملو زيي عادي مش هتفرق
كيك اسفنجي تورته اسفنجيه
كيك اسفنجي
تورته اسفنجيه
هنحط نص الكيك فالصينيه اللي بتتفتح والنص الثاني نشيله فالثلاجه لاي حلو تاني ينفعنا
تورته الفراوله
تورته الفراوله

ونصب عليه طبقه الموس ونحاول نساويها بالمعلقه ونغطيها وندخلها الثلاجه تجمد ساعتين او يفضل اكتر

موس فراوله
موس فراوله

ديه مقادير الطبقه العلويه اللي هو الصوص الاحمر

عصير فراوله نشا
عصير فراوله
نشا

ندوب كوب الفراوله البارد مع نص معلقه اكل نشا علي البارد ونرفعهم علي النار مع التقليب المستمر لحد الغليان وبعدين نصفي الصوص

صوص الفراوله
صوص الفراوله

ده قوامه وهو سخن مش بيكون تقيل اوي عاوزينه اتقل زودو النشا

والصوص ده من اسهل الصوصات وينفع فوصفات كتييير
صوص الفراوله للتزين
صوص الفراوله للتزين

هنا بعد ما طلعتها من الثلاجه وشيلتها من الصينيه
هي عملت حادثه بسيطه الطبق وقع عليها من فوق بس حصل خير
موس الفراوله اللذيذ
موس الفراوله اللذيذ

نصب الصوص عليها من فوق وهينزل علي الاجناب

كيك موس الفراوله
كيك موس الفراوله

هنا اتفرد وبدا ينزل لوحده بدون مساعدات خارجيه

تورته موس الفراوله
تورته موس الفراوله

نزينها بأي حاجه بسيطه ولو عندكم فراوله فريش تنفع جدا فالتزين بس مكنش عندي استخدمت مجمده

موس الفراوله الناعم
موس الفراوله الناعم

وبالهنا والشفا جميله جداااوناعمه ومنعشه اوي جربوها
ويفضل قبل التقطيع ندخلها الثلاجه شويه الصوص يجمد
تورت موس الفراوله اللذيذه جدا
تورت موس الفراوله اللذيذه جدا

وهنا من جوه تحححفه جدااا

موس ناعم
موس ناعم

ميكس الفراوله والكيك والصوص لا يقاوم وقطع الفراوله جوه الموس جامده جداااا وعيشو مع عالم الفراوله :))

موس الفراوله والكيك
موس الفراوله والكيك

والي القاء في موضوع اخر باذن الله في امان الله 🙂

Post Author: Basma

مؤسس ومديرة الموقع الإلكتروني تيستي فوود

8 thoughts on “تورته موس الفراوله بالخطوات المصوره

    محمد على

    (4 أغسطس، 2016 - 1:34 مساءً)

    سلام عليكم و رحمة الله و بركاته

    انا متابع حضرتك من زمان و عملت وصفات كتير من وصفاتك انا مغترب فى الكويت و بطبخ لحالى و الله اتعلمت منك حاجات كتير تسلمى و جزاك الله خيرا

      Basma

      (7 سبتمبر، 2016 - 7:02 صباحًا)

      عليكم السلام
      جزانا واياكم يارب اكون بقدر افيد حضرتك

    أميرة

    (6 أغسطس، 2016 - 4:01 مساءً)

    تسلمك ايدك روعة
    انتى فينك من زمان

      Basma

      (7 سبتمبر، 2016 - 7:02 صباحًا)

      تسلمي ظروف معلش 🙂

    هناء

    (27 أكتوبر، 2016 - 10:18 مساءً)

    من محبى اكلات يا بسوم تسلم ايديك.. عملت حاجات كتييييير من وصفاتك وكلها ما شاء الله . ربنا يصلح ما بين ايديك يا جميل 😍😍

      Basma

      (18 نوفمبر، 2016 - 11:18 مساءً)

      الف هنا يجميل تسلمي

    martha

    (2 ديسمبر، 2016 - 9:31 صباحًا)

    انتي انسانه جميله تسلم ايدك حبيبتي

    Sara

    (25 أبريل، 2017 - 5:13 صباحًا)

    تسلم ايديكي ماشاء الله عليكي ممتازة ربنا يباركلك ويكون في ميزان حسانتك المجهود الي بتقدميه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *