تورته موس الفراوله
الكيكه ديه جامده جدااا جداا خصوصا لو انتو من محبي الفراوله هتحسو كده انكم اقتحمتو عالم الفراوله وعيشتو معاها وتنفع جدا فأعياد الميلاد والمناسبات
تعالو نشوف الشكل النهائي وبعدين نبدا فالمقادير والطريقه
تورته موس الفراوله
المقادير : مقادير الطبقه الاولي …
تورته اسفنجيه وكنت عاملاها ومنزلاها قبل كده وممكن اي كيك عادي مقادير الطبقه الثانيه كيسين دريم ويب (كريم شانتيه) كيس جيلي فراوله ٤ حبات كيري(ممكن الاستغناء عنهم) نص كوب حليب من ٨ -١٠ حبات فراوله مجمده (يمكن الاستغناء عنها ) مقادير الطبقه الثالثه
كوب عصير فراوله
نص معلقه اكل نشا
ديه صوره للمقادير(مقادير الطبقه الاولي والثانيه)
كيك اسفنجي
تورته اسفنجيه
ده شكل الكيك النهائي :):
الطريقه:
كريم شانتيه
جبن كيري
فراوله مجمده
جيلي
نضيف الجلي المدوب فالميه بالتدريج علي الكريمه مع الاستمرار فالخفق
جيلي
كريمه
موس فراوله
فراوله مجمده
كيك اسفنجي تورته اسفنجيه
تورته الفراوله
ونصب عليه طبقه الموس ونحاول نساويها بالمعلقه ونغطيها وندخلها الثلاجه تجمد ساعتين او يفضل اكتر
موس فراوله
ديه مقادير الطبقه العلويه اللي هو الصوص الاحمر
عصير فراوله نشا
ندوب كوب الفراوله البارد مع نص معلقه اكل نشا علي البارد ونرفعهم علي النار مع التقليب المستمر لحد الغليان وبعدين نصفي الصوص
صوص الفراوله
ده قوامه وهو سخن مش بيكون تقيل اوي عاوزينه اتقل زودو النشا
صوص الفراوله للتزين
موس الفراوله اللذيذ
نصب الصوص عليها من فوق وهينزل علي الاجناب
كيك موس الفراوله
هنا اتفرد وبدا ينزل لوحده بدون مساعدات خارجيه
تورته موس الفراوله
نزينها بأي حاجه بسيطه ولو عندكم فراوله فريش تنفع جدا فالتزين بس مكنش عندي استخدمت مجمده
موس الفراوله الناعم
تورت موس الفراوله اللذيذه جدا
وهنا من جوه تحححفه جدااا
موس ناعم
ميكس الفراوله والكيك والصوص لا يقاوم وقطع الفراوله جوه الموس جامده جداااا وعيشو مع عالم الفراوله :))
8 thoughts on “تورته موس الفراوله بالخطوات المصوره”
محمد على
(4 أغسطس، 2016 - 1:34 مساءً)سلام عليكم و رحمة الله و بركاته
انا متابع حضرتك من زمان و عملت وصفات كتير من وصفاتك انا مغترب فى الكويت و بطبخ لحالى و الله اتعلمت منك حاجات كتير تسلمى و جزاك الله خيرا
Basma
(7 سبتمبر، 2016 - 7:02 صباحًا)عليكم السلام
جزانا واياكم يارب اكون بقدر افيد حضرتك
أميرة
(6 أغسطس، 2016 - 4:01 مساءً)تسلمك ايدك روعة
انتى فينك من زمان
Basma
(7 سبتمبر، 2016 - 7:02 صباحًا)تسلمي ظروف معلش 🙂
هناء
(27 أكتوبر، 2016 - 10:18 مساءً)من محبى اكلات يا بسوم تسلم ايديك.. عملت حاجات كتييييير من وصفاتك وكلها ما شاء الله . ربنا يصلح ما بين ايديك يا جميل 😍😍
Basma
(18 نوفمبر، 2016 - 11:18 مساءً)الف هنا يجميل تسلمي
martha
(2 ديسمبر، 2016 - 9:31 صباحًا)انتي انسانه جميله تسلم ايدك حبيبتي
Sara
(25 أبريل، 2017 - 5:13 صباحًا)تسلم ايديكي ماشاء الله عليكي ممتازة ربنا يباركلك ويكون في ميزان حسانتك المجهود الي بتقدميه