تبنياكي اللحم الصيني

تبنياكي اللحم(طبق صيني)
ا
لسلام عليكم ورحمه الله وبركاته 🙂 النهارده ان شاء الله هقدملكم وصفه جديده  وسهله وسريعهو غير مألوفه علينا وهي من المطبخ الصيني (

تبنياكي اللحم) وممكن يتعمل بنفس الطريقه بالفراخ او الجمبري  طبعا الطبق ده بيتميز بطعمه الرائع وقيمته الغذائيه العاليه جدا وكمان قليل الدسم وصحي يالا نبدأ:
المقادير:
-نصف كيلو لحم (او فراخ او جمبري)مقطع شرائط طويله+بصله وملح وفلفل لتسويه اللحم
-واحده فلفل رومي مقطعه شرائح
-بصله كبيره مقطعه شرائح
-خضار مشكل(انا استخدمت الكيس المجمد)مقدار صغير نص كوبايه مسلوقه بماء فقط لمده دقيقه  او دقيقتين
-كوب ارز بسمتي
–جزره صغيره مبشوره
-زيت سمسم (لو مفيش استخدمي زيت ذره عادي وشويه سمسم زي ما انا عامله وهوضحلكم بالطريقه)
-صويا صوص(لا يمكن الاستغناء عنه في الوصفه ديه)
-بيضه مقليه ومفتته جيدا زي الصوره
بيضه
الطريقه:
-اولا لعمل اللحم
-بعد تقطيعه شرائح طويله(انا بقطعوا وهو لسه مفكش تماما من الثلج عشان يبقي سهل) نصفر بصلايه علي النار مع شويه زيت ونحط اللحم ونوطي عليها ونحطلها فلفل اسود ونسيبها تستوي براحتها وقرب السوا نحطلها الملح
لحمه
-هنسلق الرز البسمتي زي المكرونه بالظبط يعني هنغطيه بالميه ونحط لكل كوب ارز معلقه صغيره ملح وشويه زيت ونسلقوا لحد ما يستوي وبعدين نصفيه (نفس طريقه سوا المكرونه بس منغسلوش في الاخر)
نسلق الارز
-هنقطع الخضار(البصل والفلفل) ونبشر الجزره  ونسلق الخضار المشكل دقيقه او اثنين في ميه بس خضار
-وبكده يبقي عندنا كل المكونات جاهزه (اللحمه بعد ما استوت والرز بعد ما اتسلق والخضار بعد تقطيعه والخضار المجمد بعد سلقه) والصويا صوص طبعا
الارز المقلي
-والبيضه المقليه (لو مستغربنها متستعملوهاش بس مش بتبان في الطعم )
بيضه
-نبدا الشغل بقي :))) هنجيب طاصه تيفال علي النار ونسخن فيها زيت ذره كويس ونحط عليه شويه سمسم عشان بس ناخد ريحه السمسم ممكن تصفوه الزيت من السمسم بعد كده لو هيضايقكم بس انا مبصفهوش بيبقي حلو وهو كميته صغيره فمش بيفرق اوي وممكن تستغنوا عن الخطوه ديه لو عندكم زيت سمسم وهو بيتباع وبيستخدم في الاكل الصيني اكتر حاجه
زيت سمسم
-هناخد نص الفلفل والبصل نعمل بيه الرز والنص الثاني نعمل بيه اللحم
-هنحط البصل والفلفل والخضار المشكل والجزر المبشور علي الزيت وهنقلب تقليبتين(المفروص مش يستوي اوي لان الاكل الصيني حلاوته ان الخضار يبقي بيقرش شويه فيه كده تعرفوا انكم بتاكلوا اكل صيني والطعم بيبقي الذ لو عاوزين تسوه اوي براحتكم)وبعدين هنحط الرز المسلوق ونقلب
الارز الصيني
-ونحط معلقتين او ثلاثه معالق اكل صويا صوص ونقلب وبالاخر احط البيضه المقليه واقلبوا واسيبه نص دقيقه كده واطفي عليه وكده يكون الرز جهز هو مش هيحتاج ملح لان الرز حطينلو ملح واحنا بنسلقوه والصويا صوص بتبقي مالحه ممكن تدوقيه في الاخر ولو احتاج زوديه
تبنيانكي اللحم
-نعمل بقي اللحم  هنحط شويه زيت علي النار ونضيف النص الثاني من الفلفل والبصل ونقلب وبعدين نضيف اللحم (لو اللحم معاها شويه ميه حطوها بتعمل صوص جميل)ومعلقتين صويا صوص ونقلب تقليبتين ونطفي عليه ولو عندنا كرنب او خص كابوتشي نقطعه شرائح ونحطوا علي اللحم بيبقي جميل بس انا مكنش عندي  وبكده تكون اللحمه جهزت
اللحم التبنايكي
 -وبعدين نقدم الطبق نحط شويه رز وشويه لحمه وبالهنا والشفا بجد طعمه رائع وخفيف جربوه وان شاء الله يعجبكم 🙂
اكل صيني
والي اللقاء في موضوع اخر بأذن الله 🙂 في أمان الله 🙂

Post Author: Basma

مؤسس ومديرة الموقع الإلكتروني تيستي فوود

7 thoughts on “تبنياكي اللحم الصيني

    لينا

    (26 أغسطس، 2014 - 5:30 مساءً)

    الرز
    كيف اعمله يعني مثلاً كاسة رز كم احط لها مي
    وانقعه ولا بدون؟
    تقريباً كم المدة اللي بخلي الخضار في المقلاة

      Basma

      (31 أغسطس، 2014 - 5:45 مساءً)

      زي المكرونه اسلقيه بميه تغطيه والخضار حسب درجه النضج اللي عاوزاها بس مش تكتري عشان حلاوه الاكل الصيني ان الخضار يكون مش مستوي كويس

    لينا

    (1 سبتمبر، 2014 - 4:32 صباحًا)

    الحمد لله عملته وكان زيك عسسسسل يسلمو ربي يسعدك

    سلسبيل

    (24 ديسمبر، 2014 - 12:29 مساءً)

    جميلة ما شاء الله وكل وصفاتك هايلة واضح انك ست بيت الله يبارك يارب
    بس انا عندى مشكلة مع الصويا صوص . انى موش عارفة نوع معين هنا فى السعودية الف نوع . ومش عارفة اجيب الحادق والا المتوسط والا ايه . اصلا مش عارفة ايه النوع الكويس قصدى الماركة يعنى جبت قبل كدة ورميته كان مالح اوىىى

      Basma

      (27 ديسمبر، 2014 - 1:31 مساءً)

      متجبيش المركزهاتي العادي وحتي لو مالح قللي الملح فالاكل وحطي منو نسبه بسيطه

    منى

    (21 فبراير، 2015 - 7:23 مساءً)

    عايزة اعملها بس مش مستوعبة موضوع سلق الرز هو مش هيتهري ويبوظ

      Basma

      (23 فبراير، 2015 - 8:01 صباحًا)

      لا الرز البسمتي بيتسلق عادي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *