بطاطس كروكيت باللحمه المفرومه

بطاطس كروكيت باللحمه المفرومه

طريقه وخطوات عمل بطاطس كروكيت باللحمه المفرومه

السلام عليكم ورحمه الله وبركاته النهارده ان شاءالله هقدملكم طريقه عمل البطاطس الكروكيت باللحم المفروم وهي نوع من المقبلات المحببه جداا للاطفال يالا نبدأ :

المقادير:


مقادير الوصفه ديه مفتوحه مفيهاش مقادير ثابته
بطاطس مسلوقه و مهروسه
ملح وفلفل
للحشو:
لحم مفروم معصح
خليط جبنه شيدر ومودزريلا مبشورين
للتغطيه:
بقسماط مطحون(فيجيتار او اي نوع) وعليه رشه ملح وفلفل اسود
بيضه مخفوقه في قليل من الماء وعليهم رشه ملح وفلفل

الطريقه:

نهرس البطاطس بالشوكه وتكون مسلوقه بميه وملح ونضع علي البطاطس المهروسه ملح وفلفل

نقسمها كور ونجيب الكوره نبططها كده

نحط الحشو جواها

ونقفلها زي الكوره وهكذا لحد ما نخلص الكميه

نحط الكور فخليط البيض والماء مع رشه ملح وفلفل ونغطي الكور بالكامل بالخليط

وبعدين نحطهم في خليط البقسماط ونغطيهم طبعا بالكامل

نحطهم بالفريزر نص ساعه

نطلعهم نقليهم في زيت سخن

لمي ياخدو لون نقلبهم علي الناحيه التانيه ونطلعهم علي مناديل مطبخ

ونقدمهم بالهنا والشفا :))

حلوين جدا ومقرمشين من بره جربوها هتعجبكم باذن الله 🙂

Post Author: Basma

مؤسس ومديرة الموقع الإلكتروني تيستي فوود

4 thoughts on “بطاطس كروكيت باللحمه المفرومه

    jamilakamana

    (29 سبتمبر، 2017 - 12:18 صباحًا)

    شكرا لكم على الوصفة

      Basma

      (24 أكتوبر، 2017 - 7:41 صباحًا)

      تسلمي

    Mira

    (1 أكتوبر، 2017 - 8:33 صباحًا)

    ما شاء الله تسلم ايدك

      Basma

      (24 أكتوبر، 2017 - 7:40 صباحًا)

      تسلمي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *