بطاطس بالكزبره والثوم

شرفونا بجروب الفيس بوك
بطاطس بالكزبره والثوم
السلام عليكم ورحمه الله وبركاته 🙂 النهارده ان شاء الله هقدملكم وصفه بطاطس لذيذه تنفع كمقبلات جنب الاكل او كطبق رئيسي جنب الرز يالا نبدأ
المقادير:
-ثلاثه حبات بطاطس متوسطه مقطعه مكعبات
-فصين ثوم مفرومين
-معلقتين  اكل كزبره خضره مفرومه
-ملح وكزبره ناشفه وبابريكا يمكن الاستغناء عن البابريكا اذا لم تتوافر
بطاطس ثوم كزبره
الطريقه:
-نغلي ميه علي النار ونضيف ملح ونسلق البطاطس  بعد تقطيعها مكعبات وغسلها وبعد ما تتسلق كويس تطلعيها تصفيها في مصفه
نسلق البطاطس
-نسخن معلقه زيت كويس وننزل بالبطاطس نشوحها علي الناحيتين عشان تاخد لون حلو(في حاله الدايت يمكن الاستغناء عن هذه الخطوه والاكتفاء بالسلق)
نشوح البطاطس
-ممكن نستبدل الخطوتين اللي فاتوا باننا نقلي البطاطس علي طول بعد تقطيعها مباشره(بس انا حبيت اعملها اخف ومردتش اقليها من الاول ده حسب رغبتكم)
-هنجيب معلقه زيت زيتون او اي زيت ونحط الثوم المفروم ونقلب شويه منغير ما نغير لونو خلو بالكم وننزل بالكزبره الناشفه والبابريكا انا كمان ضيفت من عندي رشه ثوم بودر وبعدين الكزبره الخضرا ونقلب وبعدين نضيف البطاطس ونقلب تقليبتين ولو احتاجت ملح حطولها
بطاطس دايت
-ونقفل النار عليها ونقدمها بالف هنا خفيفه جدا ولذيذه جوبوها 🙂
بطاطس بالكزبره والثوم
والي اللقاء في موضوع اخر بأذن الله في أمان الله 🙂

Post Author: Basma

مؤسس ومديرة الموقع الإلكتروني تيستي فوود

5 thoughts on “بطاطس بالكزبره والثوم

    asmaa hamama

    (31 يناير، 2014 - 5:25 مساءً)

    تسلم ايدك ياجميل

    om rayhana

    (24 فبراير، 2014 - 7:33 صباحًا)

    يسلمو الايادي

      Basma

      (24 فبراير، 2014 - 8:06 مساءً)

      تسلمي 🙂

    elham

    (27 ديسمبر، 2014 - 1:33 مساءً)

    تسلم اﻻيادي

      Basma

      (29 ديسمبر، 2014 - 8:23 صباحًا)

      تسلمي :))

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *