المسقعه المصريه باللحم المفروم

مسقعه

طريقه عمل المسقعه المصريه باللحم المفروم
المقادير:
حبه باذنجان حجم متوسط
حبه فلفل اخضر رومي كبيره
حبه طماطم كبيره او حبتين صغيرتين
معلقه صلصه طماطم
ثلاثه فصوص ثوم
لحمه مفرومه معصجه جاهزه
ملح وفلفل اسود وكمون وكزبره وشطه
الطريقه:
-نقشر الباذنجان او نسيبه بقشره بس انا بقشره ونقطعه حلقات ونرش عليه رشه ملح ونقليه في زيت ونطلعه علي مناديل عشان تمتص الزيت الزياده
-نقطع الفلفل مكعبات كبيره ونقليه ونطلعه علي مناديل برضو
-نفرم الثوم ونقطع الطماطم مكعبات صغيره
-نجيب معلقه زيت من اللي قلينا فيها الباذنجان والفلفل ونحطها في حله ونحط عليها الثوم المفروم ونقلب لحد ما الثوم يصفر وننزل عليه بمعلقه كزبره ومعلقه كمون ومعلقه ملح وشطه وفلفل اسود ونحط الطماطم المقطعه ونقلب شويه ونحط معلقه صلصه وبعدين نحط اللحمه المفرومه ونقلب وننزل عليهم بالباذنجان والفلفل المقلي ونوطي ونغطي ونسيب المكونات كلها تتجانس ١٠ دقايق ونقفل عليها ونقدمها وبالهنا والشفااا :))

 

Post Author: Basma

مؤسس ومديرة الموقع الإلكتروني تيستي فوود

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *