البان كيك
البان كيك تعتبر وجبه مفيده جدا وخصوصا فالفطار والاطفال بيحبوها والكبار كمان 🙂
هعدل الصور واكتب تحت كل صوره الطريقه
المقادير(هذه المقادير تكفي لعمل ٦ بان كيك ) :
كوب دقيق …
نص كوب حليب
٢حبه بيض صغيرين او بيضه كبيره
معلقه اكل نشا او كاسترد
نص معلقه اكل بيكنج بودر
٣ معالق اكل سكر
رشه ملح
معلقه اكل زيت
ربع معلقه صغيره فانيليا
معلقه صغير خل وممكن الاستغناء عنها
صوره المقادير:
هنا انا نخلت الدقيق مع النشا والبيكنج بودر

الطريقه:

ونضيف معلقه الزيت ونخفق شويه وهنا نقلتهم في طبق غويط

نضيف المواد الجافه علي دفعات ونقلب بعد كل دفعه بالمعلقه مش بالمضرب

نقلب بالمعلقه زي الصوره من تحت لفوق

ومع اخر دفعه نضيف الحليب ونقلب بالمعلقه لحد ما المكونات تتجانس

ده القوام المطلوب اتقل من الكريب شويه

نغطي العجيبنه ونسيبها ترتاح من ربع ساعه لنص ساعه او حتي ساعه

هنا بعد ما سبتها ترتاح سبتها ٢٠ دقيقه شايفين كونت فقاعات ازاي

نسخن طاسه تيفال علي حراره وسط (وسط) وندهنها زبده ونمسح الزبده كويس جدا بالمنديل لازم نمسحها كويس عشان ده هيأثر علي شكل البان كيك بعد ما يستوي او لو المقلاه غير لاصقه منحطش زبده

نضع البان كيك بمعلقه اكل فالطاسه ونسيبها هي هتتفرد لوحدها منفردهاش

اول ما تعمل الفقاعات ديه نقلبها علي الجانب الاخر

ونخليها لحد ما تستوي علي الجانب التاني وهكذا لحد ما نخلص الكميه

هنا خلصنا كل الكميه

ونقدمهم ونحط عليهم زبده وعسل ولازم تكون البان كيك سخنه عشان الزبده تسيح عليها 😍😍😍مكس الزبده مع العسل بتديها طعم رهييييبيب

والي اللقاء في موضوع اخر باذن الله في امان الله 🙂