تيستي فوود

   السلام عليكم ورحمه الله وبركاته النهارده ان شاء الله هقدملكم طبق مهلبيه كريمي وجميل ان شاء الله هيعجبكم انا عن نفسي مكنتش بحب  المهلبيه بس اما جربتها بالطريقه والقوام الكريمي ده بقيت بحبحها :))) يالا نبدأ:
المقادير(هذه المقادير تكفي لعمل 3 أطباق صغيره)
-كوبان حليب
-معلقتين اكل نشا
-ثلاثه معالق اكل سكر(او معلقتين ونص حسب ما بتحبو السكر)
-نصف كوب كريمه لباني
-معلقه اكل لبن بودر(وده اختييياررري)
-فانيليا وماء ورد او فانيليا بس حسب الرغبه ولو عاوزينو طعم دانيت بالظبط استتخدمو ماء الزهر
صوره المقادير الاساسيه والحليب الافضل فالمهلبيه الحليب الطبيعي او المبستر بيكون احسن من طويل الأجل بس طويل الاجل يمشي برضو

الطريقه:
-الاول هحط كوبايه حليب علي النار مع نصف كوب كريمه لباني و3 معالق سكر او اقل حسب رغبتكم وادوبهم كويس بالتقليب بمضرب سلك يدوي

-وهحط عليهم مكون زياده من عندي لطعم اغني للمهلبيه معلقه حليب بودر

-وبعدين هجيب كوبايه الحليب التانيه واحط عليها معلقتين النشا واقلبهم كويس جدا مع بعض لحد ما النشا تذوب

-ولمي خليط الحليب والكريمه والسكر واللبن البودر يغلو هحط عليهم  كوبايه الحليب المذوب فيه معلقتين النشا واقلب بسسسسسسرعه بالمضرب السلك عشان مش يكلكع

• هنا اما الحليب والكريمه والسكر غلو
  

  • هنا نزلت عليهم بخليط النشا واللبن

• واقلب لحد ما القوام يتقل

–
  -ونستمر بالتقليب لحد ما قوامها يتقل المقادير ديه مش هتقل قوامها اوي
وده قوامها خفيفه مش بتكون تقيله

-ومتخافوش هتجمد فالثلاجه  بس عشان لمي يكون قوامها  ثقيل لمي تجمد هتكون وحشه ومجلده لكن القوام الخفيف ده بيخليها كريمي وحلوه وكمان اضافه الكريمه اللباني بيخليها كريمي جدا
ونصبها فالكاسات شايفين قوامها ازاي خفيف وهتجمد متخافوش بس امشو بلمقادير وفي الاخر حطو فانيليا وماء الورد (انا ضيفت فانيليا وماء ورد)أو ماء زهر وبتطلع تحفه بماء الزهر شبه  الدانيت بس انا مكنش عندي ماء زهر

-وهنا زينتها بفستق وغطتها ببلاستك ودخلتها الثلاجه ليله كاامله

–
-هنا بعد ليله كامله  شايفين من جوه كريمي ازاي مش ناشف  ومجلد

-وهنا بعد ما كلت نصو هههههههه

-وبالهنا والشفاا 🙂 والي اللقاء في موضوع اخر بأذن الله 🙂 في أمان الله 🙂